Baserri zaharraren egitura, etxean taldeak abegitzeko beharrezko den erosotasun eta funtzionalitatea emateko berriztatu zen. Gainera, erainkuntza gehigarriak ere sortu ziren, hala nola negutegiak eta ikuiluak, ekintzak burutzeko posibilitatea ematen dutelarik. Baserri eskolaren eraikuntza hiru solairutan banaturik dago, eta bakoitzak funtzionalitate ezberdina du:

2005 urtean espazio berri bat zabaldu dugu: aisialdirako eta lantegiak burutzeko egurrezko etxola bat.

• Beheko solairuan harrera, neguan gozatzeko tximiniaz ornituriko jangela zabala, sukalde modernoa, botikina, komunak eta ikusentzunezko ekipoa duen egongela. Sarrera ondoan, kanpokaldean, ogia egiteko labe tradizionala.
• Bigarren solairuak ekintza ezberdinak burutzen diren balioanitzeko bi gela handi ditu. Gainera laborategia, bi logela eta bulegoa ere topa ditzakegu bertan. Hemendik, kanpokaldera daramaten terraza eta aterpe batetara atera gaitezke.
• Hirugarren solairuan logelak eta dutxaz hornituriko komunak ditugu. Hirugarren altura honetan ingurunearen ikuspegi honenak daude.
• Baserriaren ondoan beste eraikuntza batzu daude: oilotegia egazti ezberdinekin, ikuilu eta pikaderoa eta baratza eta negutegiak. Gainera zelai, zuhaizti eta landaz inguraturiko 95.000 m2 lursail. Eraikuntzaren aurrekaldeko asfaltaturiko sailak aparkalekua eskeintzen digu.

Sastarrain baserri eskola